Wo Dawai jo Jinsi Sehat ko tabah kar deti hai

Wo Dawai jo Jinsi Sehat ko tabah kar deti hai

Jadeed tarz zindagi aur tan aasani ne hazrat insaan ko depression jaissa tohfa diya hai, jis ke mareezon ki sharah aaye roz barhti ja rahi hai aur log Depression se nijaat ki golian khate nazar atay hain. Taham ab depression ke khatmay ke liye istemaal honay wali adwiyaat ke mutaliq science danon ne khofnaak inkishaaf kar dala hai.

Mail online ke mutabiq America mein kiye gaye aik tehqiqati survey ke nataij mein science danon ne bataya hai ke Depression se nijaat ki adwiyaat mardon ki jinsi sahet ko taizi se tabah kar rahi hain.

Yeh survey Depression ke 1000 mareezon par mushtamil tha, jis se maloom huwa ke survey mein shaamil depression se nijaat ki golian khane walay mardon ki jinsi sahet 58 se 70 fisad tak tabah ho chuki thi.

Survey mein shaamil jo log SSRI (Selective Serotonin Re-uptake Inhibitors ) le rahay they un ki jinsi sahet sab se ziyada mutasir hui thi aur yahi woh dawa hai jo Depression ke mareezon ko sab se ziyada tajweez ki jati hai.

Tehqiqati nataij ke mutabiq in adwiyaat ka khawateen ki jinsi sahet par bhi itna hi manfi asr parta hai. Survey mein shaamil yeh adwiyaat khane wali khawateen ne bataya ke pehlay ki nisbat ab un ki jinsi khwahish 70 fisad tak kam ho chuki hai.

Agar aap ko yeh tehreer achi lagi hai to aap ka haq banta hai ke is post ko social media par apne doston ke sath share karen, takay un ki bhi behtar tor par rehnumai ho sake.

Leave a Reply

Your email address will not be published. Required fields are marked *