Seene Ki Jalan ka Fori Desi ilaj in Urdu

Seene Ki Jalan ka Fori Desi ilaj in Urdu

Kya aap aksar seenay ki jalan ke masle ka shikaar ho jatay hain. Ho sakta hai ke aap ko maloom na ho magar maiday ki tezabiyat ke nateeja mein aap ko seenay mein takleef mehsoos hoti hai aur aksar ye masla bohat ziyada khane, motapay ka shikaar aur douran hamal hota hai.

Kabhi kabhar seenay mein honay wali jalan fikarmandi ki baat nahi taham aisa aksar ho to yeh nizaam hazem ke hawalay se sangeen amraaz ka baais ban sakta hai. Taham chand chhoti cheezain aap ko seenay ki jalan se bachanay mein ahem kirdaar ada karti hain.

Seene ki jalan ka ilaj

Is tehreer Seene Ki Jalan ka Fori Desi ilaj in Urdu mein hum ap ko batain gay ke seene ki jalan se chutkara pane ke gharelu nuskhe kon kon se hain.

1 Sonf

Sonf bhi har ghar mein mojood hoti hai aur yeh bhi maiday ke liye faida mand hai khasosan maiday ki tezabiyat ko control mein rakhnay ke liye jabkay yeh maiday ke af-aal ko bhi behtar karti hai.

Agar seenay mein aksar jalan ki shikayat rehti hai to khane ke baad thori si sonf kha len ya sonf ka pani peena is mein kami la sakta hai.

2 Joo aur Anaaj

Maiday mein tezabiyat bherne se seenay mein jalan ki shikayat hoti hai magar jo aur anaaj mein mojood fiber is tezabiyat mein kami laatay hain.

Fiber se bharpoor yeh ghazain tezabiyat ko jazb kar kay is ki satah mein kami laatay hain, taham un ghazaon ko istemaal karte hue timatar ya lahsun ko shaamil karne se guraiz karna seenay ki jalan daur karne mein madad deta hai.

3 Adrak

Adrak Pakistan mein aam istemaal honay wali cheez hai jo ke maiday ke liye faida mand hai magar yeh seenay ki jalan se nijaat dilanay mein bhi madadgaar hai.

Adrak qudrati tor par warm kash hai aur ghizai naali mein warm ko kam karti hai jo seenay mein jalan ka baais banti hai. Is maqsad ke liye chai mein thori si adrak shaamil kar kay pi len.

4 Saib

Saib sahet ke liye bohat faida mand phal hai aur yeh bhi seenay mein jalan ki shikayat par qaboo panay mein madadgaar saabit ho sakta hai. Is saib mein mojood ghizai fiber seenay ki jalan ki shiddat mein kami latayen hai.

Saib mein mojood minerals jaise calcium, magnesium aur potassium sab maiday ki tezabiyat mein kami laatay hain.

5 Aloe Vera ka Juice

Aloe Vera ka juice bhi is hawalay se madadgaar saabit ho sakta hai, agar aksar seenay mein jalan ki shikayat rehti hai to chothai se aadha cup Aloe Vera juice khane se pehlay pi len ya din mein kisi bhi waqt, jab seenay mein jalan mehsoos ho.

6 Kelay

Kelay bhi is hawalay se madadgaar saabit ho saktay hain jo ke maiday ki sahet durust rakhnay ke liye faida mand phal hai jo ke tezabiyat ki satah bhi kam karta hai, taham aik fisad mareezon ke liye kelay jalan ko badter bhi kar saktay hain to is phal ko pehli dafaa azmaane ke baad rad-e-amal ko zehan mein rakh kar agli baar khana behtar hoga.

7 Chewing Gum

Chewing gum luaab dahan ki miqdaar barha deti hai jo ke maiday mein tezabiyat ka baais ban’nay wali khoraak ke asraat ko mamool par laane mein madadgaar saabit hota hai, taham sugar free chewing gum hi is hawalay se faida mand saabit hoti hai.

8 Palaak

Palaak calcium se bharpoor sabzi hai jo hadion ki sahet behtar banati hai magar is ke sath sath yeh maiday mein tezabiyat ki satah bhi kam karti hai jis se seenay mein jalan ki takleef mein relief millti hai.

9 Pani ka aik glass peena

Aik tahaqeeq ke mutabiq seenay ki jalan ki shikayat ki soorat mein pani aksar adwiyaat se ziyada taizi se kaam karta hai kyunkay yeh aap ke maiday mein aik chemical ki miqdaar ko berhata hai jis se jalan ki kefiyat mein aaram mehsoos honay lagta hai.

Seene ki jalan ka fori desi ilaj karne ke tarike in Urdu, Seene ki jalan ka asan azmoda gharelu totke, Seene ki jalan ka ilaj kaise kya jata hai

Agar aap ko yeh tehreer achi lagi hai to aap ka haq banta hai ke is post ko social media par apne doston ke sath share karen, takay un ki bhi behtar tor par rehnumai ho sake.

Leave a Reply

Your email address will not be published. Required fields are marked *