qabz ka ilaj

Qabz ka fori desi ialj in Urdu

Qabaz ka ilaj kya hai, shadeed purani aur daimi qabz ka asaan fori desi ilaj karne ke qudrati aur gharelo totkay kon kon se hain agar aap bhi aisa hi kuch search kar rahay hain to yeh tehreer aap hi ke liye hai

Qabz ki bemari ka saamna aksar afraad ko hota hai aur inhen apni zindagi is ki wajah se bohat mushkil mehsoos honay lagti hai. Mohqiqeen ka kehna hai ke agar aap ko aksar qabz ki shikayat rehti hai to usay aam samajh kar nazar andaaz mat karen.

Qabz ka fori desi ialj in Urdu, Qabz se nijat ke asan azmoda gharelu totke. Purani shadeed aur daimi qabz se nijat ke asan tarike in Urdu.

Qabz ka ilaj

Qabz ka ilaj to aap ke apne kitcehn mein bhi mojood hai. Chand aam aur mazedar cheezon ko khana is takleef se nijaat dilanay mein madadgaar saabit ho sakta hai.

Sonf

Sonf ko khane ke baad istemaal karna nizaam haazma ko behtar tarike se kaam karne mein madad deta hai jabkay saans ki bo ki shikayat bhi khatam hoti hai, sonf aksar qabz ke shikaar rehne walay afraad ke liye behtareen hai jabkay is ka tail bhi nizaam haazma ko behtar banata hai.

Kelay

Kelay bhi qudrati tor par qabz kusha phal hai, yeh fiber se bharpoor hotay hain aur khane ko aasani se hazem honay mein madad dete hain, is phal mein potassium bhi hota hai jo ke anton ke af-aal ko bahaal karne mein madadgaar saabit hota hai.

Gaajar

Gajron mein bacteen   nami juz paaya jata hai jo ke anton ke af-aal ke liye behtar hota hai jabkay yeh nizaam haazma ki bhi safai karta hai.

Timatar

Vitamin C, E aur K se bharpoor yeh qabz daur karne ke liye behtareen hai, is mein shaamil ajza jisam ko rozana darkaar fiber ka das fisad hissa faraham karte hain.

Pani

Fiber aur werzish ke sath sath munasib miqdaar mein pani peena bhi qabz ki shikayat mein kami laane ke liye zurori hai, pani anton ke af-aal ko behtar bananay ke liye zurori hai, agar aap ka jism pani ki kami ka shikaar hoga to qabz ka khatrah bhi itna ziyada barh jaye ga.

Shakar kandi

Yeh sabzi bhi qabz ki shikayat ko khatam karne ke liye behtareen hai jo ke pani, fiber, magnesium aur vitamin b six se bharpoor hoti hai, magnesium anton ko relief pouncha kar un ki qudrati harkat ko bahaal karti hai, jabkay pani aur fiber jismani nami ko barqarar rakhtay hain jabkay fazlay ko jism se bahar nikaal dete hain.

Aalo bukhare

Aalo bukhare fiber se bharpoor phal hai aur yeh woh juz hai jo anton ke af-aal ko behtar kar kay qabz ko khatam karne mein madad deta hai, aik aalo bakharay mein aik gram fiber hota hai jo ke jism ke liye munasib miqdaar hai, isi tarah is mein mojood deegar ajza bhi nizaam hazem ke masail par qaboo panay ke liye mo-asar saabit hotay hain.

Chawal

Aik tahaqeeq ke mutabiq jo log ziyada chawal khane ke aadi hotay hain in mein qabz ka khatrah 41 fisad tak kam hota hai, is ki koi wazeh wajah to nahi btai gayi magar mumkina tor par chawal mein mojood fiber is hawalay se madadgaar hota hai.

Dahi

Dahi mein bacteria ya piro bayyo tks ki miqdaar kaafi ziyada hoti hai jo ke maiday ke liye achay saabit hotay hain, yeh na sirf ghizai naali ke nizaam ke liye faida mand hotay hain balkay anton ki karkardagi ko bhi behtar banatay hain.

Agar aap ko yeh tehreer achi lagi hai to aap ka haq bantaa hai ke is post ko social media par apne doston ke sath share karen taa ke un ki bhi behtar tor par rahnumai ho sakay.

Leave a Reply

Your email address will not be published. Required fields are marked *