pur sukoon neend ke liye kya khaye

Pur Sukoon Neend ke liye ye ghazain khayen

Kya aap ko roz raat mein sonay mein mushkilaat ka saamna hota hai? Aap ki raatain jagtay hue aur din thakan, susti aur ghunodghi mein guzarta hai? To phir aap ko apni neend ko behtar bananay ke liye in ghzaon ka istemaal karna chahiye.

Mahireen e tib ka kehna hai ke hum neend ki kami ka shikaar is waqt hotay hain jab hamaray asaab pursukoon nahi hopate. Pursukoon asaab hi achi neend laane ka sabab bantay hain aur asaab ko pursukoon rakhnay ke liye dimaghi o jismani varzishen aur halki phulki ghazain istemaal ki ja sakti hain.

Mahireen ka kehna hai ke agar yeh ghazain shaam ya raat sonay se qabal istemaal karli jayen to aap aik achi aur bharpoor neend so satke hain.

Akhrot

Akhrot mein mojood amino acid dimagh mein serotonin aur melatonin nami madah peda karta hai jo hamaray dimagh ko pursukoon bana kar behtareen neend laane mein muawin saabit hota hai.

Mahireen ka kehna hai ke neend laane wali baaz dawaon mein masnoi tor par melatonin ki ameezash ki jati hai. Lehaza in dawaon se behtar melatonin ka qudrati zakheera hai jo akhrot ki shakal mein baasani dastyab aur sahet bakhash hai.

Badam

Badam mein mojood meganshim dimaghi tanao ko kam aur sir dard ka ilaj karta hai. Yeh darasal dimagh aur asaab ko pursukoon karta hai. Yahi nahi rozana badam khana dimaghi karkardagi aur istedad mein bhi izafah karta hai.

Shukar qandi

Agar aap raat mein behtareen neend sona chahtay hain to shaam mein shukar qandi khayen. Yeh na sirf zayega daar hai balkay is mein mojood carbohydrates aur vitamin b 6 maiday ki tezabiyat ko khatam karte hain jis ki wajah se aap so nahi paate.

Garam doodh

Raat sonay se qabal aik glass neem garam doodh peenay ke baad aap bistar par lattay hi neend ki agosh mein chalay jayen ge. Na sirf doodh balkay woh tamam ghazain jin mein calcium mojood ho jaise dahi ya paneer waghera neend laane mein muawin saabit hoti hain.

Ye bhi parhen: Ziyada dair baith kar kaam karne ke 15 nuqsanat

Albata in ke istemaal se qabal waqt aur mausam ko zaroor mad e nazar rakhen. Sirf neem garam doodh har mausam mein istemaal kya ja sakta hai.

Kelay

Kelay mein potasium aur meganshim waafar miqdaar mein mojood hotay hain jo asaab aur pathon ko aaraam da aur halka phulka karte hain jis ke baad aap aik pursukoon neend sotay hain.

Leave a Reply

Your email address will not be published. Required fields are marked *