likoria ka desi ilaj in urdu - Leukorrhea treatment in Urdu

Likoria ka fori desi ilaj – Leukorrhea treatment in Urdu

Jis tarah aik taleem yafta maa aik taleem yafta nasal ko parwan charhati hai isi tarah aik sahet mand aurat hi aik sahet mand nasal ko janam day sakti hai. Magar bad qismati se hamaray muashray mein sharam o haya ke sabab bohat saari larkiyan aur khawateen bhi apne posheeda amraaz ke hawalay se tazabzub ka shikaar rehti hain aur kisi ko bata na saknay ke sabab na sirf khud bhi takleef uthati rehti hain balkay is ke sath sath apni anay wali nasal ko bhi khatray mein daal deti hain.

In bimarion se sab se aam bemari Likorea ya phir silan reham hai. Likorea ko english main Leukorrhea kaha jata hai. Yeh bazat khud koi bemari nahi hai balkay mukhtalif bimarion ke sabab zahir honay wali aik alamat hai.

Likorea ya silan reham se morad khawateen ke posheeda uzoo se behnay wala safeed ya peelay rang ka madah hota hai. Agar yeh discharge safaid aur badboo ke baghair ho to normal si baat hai lekin agar yeh gaarha aur badboo daar ho to likorea hai.

Likorea khawateen ki aik aisi bemari hai jo aurton ko andar se khokhala kar deti hai. Shadeed jismani kamzori, kamar dard, mahana nizaam mein kharabi, hamal ka na theharna, tangon mein dard, bhook na lagna, jigar ke af-aal mein kami, wazan ka taizi se ghatna, law blood pressure, udasi, banjh pan, niswani husn mein kami, chehray ki be ronqi, khoon ki kami, tabiyat mein susti aur jaldi gussa aana, dil doobna waghera. Yeh tamam masail likorea ki wajah se peda hotay hain.

Likorea ki aqsam – Types of Leukorrhea

Likorea ki aam tor par do aqsam hoti hain. Likorea ki pehli qisam Physiologic Leukorrhea aur dosri Pathological Leucorrhoea kehlati hai.

  1. Physiologic Leukorrhea se morad jismani awamil jaisay josh o kharosh ya ghabrahat hain. Misaal ke tor par larkiyon mein baloghat ke douran hormon ki tabdeeli, ovulation cycle aur kam umri mein hamal waghera.
  2. Pathological Leucorrhoea na munasib ghiza aur sahet ki kharabi ke baais hota hai. genital tract infection bhi iski barri wajah hai is ke sath sath yeh nafsiati awamil ka bhi nateeja ho sakta hai

Likorea ki alamaat

Is ki alamaat har khatoon mein mukhtalif ho sakti hain lekin baaz mein aik sath kayi alamaat bhi ho sakti hain. Jo mandarja zail hain.

Andaam nihani se safaid ya peela aur badboo dar madah ka ikhraaj, pindliyon aur reerh ki haddi mein dard, pait ke hissay mein bhaari pan, susti aur kahili, andaam nihani mein kharish, qabz, baar baar sar dar, amal inhizam ke masail aur chirchira pan is ki aam alamaat hain.

Likorea ki wajohaat

Na munasib tarz zindagi (vitality) aur ghair mutawazan khane ki aadaat, reham ke nichale gardan numa hissay ka waram, hormonal adam tawazun, genital zakham jo izafi khujli ka sabab bantay hain. Na munasib genital hayijin, bacterial aur fungal infection, bad hazmi, qabz, khoon ki kami, diabetes, kasrat haiz, kasheedgi aur tashweesh, nojawan larkiyon mein yeh haiz (menses) shuru honay ke aik saal pehlay ya aik saal baad ho sakta hai.

Bohat si khawateen delivery ke baad is marz kashkar ho jati hain. Is tarah ke mamlaat uterine infection ki nishandahi karte hain. Andaam nihani mein soozish bhi is ka sabab banti hai. Is kay liye fori tor par tibbi tavajja ki zaroorat hoti hai taakay deegar bimarion aur infection se bacha ja sakay.

Yeh marz achanak shiddat ikhtiyar nahi karta. Likorea khawateen ke toleedi nizaam mein aik ya aik se zayed aaza ko mutasir kar sakta hai. Jism mein taskan ka jama hona ghair mamooli nahi hai yeh khawateen mein genital nizaam mein taskit haalat ki wajah se hota hai.

Jo naaqis aur ghair mutawazan ghiza ke sabab hota hai. Jab body organ jaise gurday, aanten aur jald jism se in taskan ko nikaalte mein nakaam hoti hain to nateejay ke tor par jism in taskan ko andaam nihani se discharge ki shakal mein kharij karne ki koshish karta hai. Daimi likorea ki soorat mein safaid, peela yahan tak ke peep ke hamrah bhi discharge ja sakta hai.

Likoria ka desi ilaj – Leukorrhea treatment in Urdu

Is marz ki alamaat ki nishandahi hi is ke ilaj mein pehla qadam hai. Doctor is marz ki wajah ke mutabiq adwiyaat tajweez karte hain. Is ke sath sath is marz ka gherulu ilaj bhi mehfooz tarike se kya ja sakta hai. In mein se koi bhi aik tarika ilaj jo aap aasani se kar saken apnayen.

  1. Kela is marz mein mufeed hai kela kha kar doodh mein shehad mila kar piyeen. Ya aik kela par chand qatray asli ghee ya sandal ki lakri ka tail laga kar subah o shaam 10 din tak istemaal kar sakti hain. Agar yeh bhi mushkil ho to sirf do kelay aur teen chamach shehad mila kar kha len.
  2. Chaar glass pani mein do se teen chaay ke chamach maithi dana daal kar adhay ghantay tak pakka kar chhaan kar pi len.
  3. Raat mein aik glass pani mein aik chamach saabit dhaniya bigho den. Aur subah khaali pait pi len. Behtareen nataij ke liye aik hafta tak istemaal karen. Is ke ilawa kareen berry ke juice ka istemaal bhi mufeed hai.
  4. Zeera bhon kar agar khaali na khaya jaye to thori si cheeni mila kar kha len.
  5. Tulsi ke pattoun ka ras aur shehad hum wazan mila kar subah o shaam peenay se leekoria mein faida hota hai. Agar shehad na ho to misri le sakti hain.
  6. Das gram sonth aik glass pani mein daal kar itna pakka len ke aik chothai pani reh jaye. Chhaan kar pi len teen haftay tak istemaal karen.
  7. So gram moong taway par bhon kar pees kar sheeshi mein bhar kar rakh len. Rozana aik cup pani mein aadha cup chawal bigho den. Pani chhaan kar aik chamach moong ka powder hal kar ke rozana aik baar pi len.
  8. Bhunay hue chuney, misri ya gur, thora sa chand ya goondh aur chand danay chhoti alaichi bareek pees kar sheeshay ki bottle mein rakh len aur aik chamach subah aur aik chamach sonay se pehlay kha len. Marz ki shiddat mein do chamach kha sakti hain.

Aap kya khati hain yeh is marz mein ahem hai. Kam az kam dahi ka istemaal rozana karen. Mukhtalif infection aur bimarion se bachney ke liye mukammal safai, halki werzish, qabz se bachchen, chaay, kaafi, medah, tali hui, masalhay daar murghan ashya tark karen aur phal sabzian istemaal karen. Gussa, ranj o gham, tfkrat, zehni pareshaniyon se jis had tak hosakay bachchen.

Likoria kya hai is ki alamaat aur wajohat kya hian. Likoria ka fori desi ilaj karne ke gharelu nuskhe kon kon se hain, Leukorrhea treatment at home in Urdu and Hindi, likoria kyun hota hai aur is ka gharelu ilaj kaise mumkin hai, likoria causes treatment medicine in urdu

Aakhir mein dua hai ke allah pak aap ko likorea (leukorrhea) jaise khatarnaak marz se bachaaye. Agar aap ko yeh tehreer achi lagi hai to aap ka haq bantaa hai ke is post ko social media par apni sehliyon ke sath share karen taa ke un ki bhi behtar tor par rahnumai ho sakay.

Leave a Reply

Your email address will not be published. Required fields are marked *