khoon ki kami ka ilaj

Khoon ki kami ka ilaj in Urdu

Jism mein khoon ki kami (Anemia) aik aisay kefiyat hai jis mein khoon mein surkh khaliye ban-na kam ho jatay hain. Surkh khalion ka sab se ahem hissa hemoglobin hota hai aur yeh phaypharon se Oxygen le kar jism ke baqi hisson tak pohanchata hai.

Agar jism mein surkh khalion ya hemoglobin ki kami waqay ho jaye to jism ke deegar hisson ko Oxygen nahi poanch paati jis ke baais jism ke deegar hisson ko kaam karne mein dushwari ka saamna hota hai.

Jism mein khoon ki kami ya anemia dar haqeeqat jism mein khoon ke surkh khaliyaat ki kami ko kaha jata hai jo oxygen ki farahmi ka kaam karte hain.

Jism ko khoon ki kami se bachanay ke liye zurori hai ke hemoglobin ki satah ko munasib hadd tak barqarar rakha jasakay, kyunkay is ki kami shadeed thakawat aur kamzoree ke sath sath anemia ka shikaar bana sakti hai.

Aur yeh kehnay ki zaroorat nahi ke hemoglobin ki kami se bachney ke liye iron se bharpoor ghazaon ka istemaal bohat zurori hai jo ke hemoglobin ki pedawar ke sath khoon ke surkh khaliyaat ke liye ahem kirdaar ada karne wala juz hai.

Yahan aisi hi ghazaon ka zikar hai jo aap ko is maslay se bachanay mein madadgaar saabit hosakti hai, ya hemoglobin ki kami ko un se poora kya ja sakta hai.

Khoon ki kami ki alamat aur wajohat kya hain, khoon ki kami se sehat ko kya nuksan hota hai.Khoon ki kami ka fori desi ilaj in Urdu, khoon ki kami door karne ke asan azmoda tarike kon se hain. khoon ki kami tips in urdu and Hindi

Khoon ki kami ka ilaj

Jisam mein khoon ki kami ka desi ilaj in urdu, bachon mein khoon ki kami ka ilaj, khoon ki kami ko pura karne ke gharelu nuskhe, khoon ki kami dur karne ke liye kya khana chahiye makamal tafseel in urdu

1 Kaleji

Kaleji fiber, protein, minerals, vitamins aur iron se bharpoor hoti hai, is ki motadil miqdaar mein istemaal khoon ki kami ko chand dinon mein poora karne ke liye kaafi hai, taham usay ziyada khane se guraiz karna chahiye.

2 Khajoor

Khajoor be waqt khane ki latt par qaboo panay mein madad dainay wala mo-asar zareya hai jabkay yeh iron ki satah bhi barhati hai. Is ke hawalay se bhi diabetes ke mareezon ko ahthyat ki zaroorat hai.

3 Aanar

Aanar bhi hemoglobin ki satah badhaane mein madadgaar phal hai jis ki wajah is mein vitamin c ki mojoodgi hai jo ke iron ki mojoodgi ko barhati hai.

4 Tarbooz

Tarbooz na sirf jism mein pani ki kami poori karta hai balkay jism mein mo-asar tarike se hemoglobin ki satah bhi berhata hai.

5 Aalo bukharay

Yeh phal fiber se bharpoor hai jo qabz ka bhi mo-asar ilaj saabit hota hai, magar is ke sath sath is mein mojood iron hemoglobin ki miqdaar ko badhaane mein madadgaar hai.

6 Timatar

Timatar iron se bharpoor honay ke sath sath jism ko vitamin c bhi faraham karte hain jo ke iron ke jism mein jazb honay ke amal ko behtar banata hai.

7 Kishmish

Kishmish bhi iron se bharpoor mewa hai, jisay aasani se daliya, dahi ya kisi bhi meethi cheez mein shaamil kar kay khaya ja sakta hai balkay waisay khana bhi mun ka zayega hi behtar karta hai. Taham diabetes ke shikaar afraad ko yeh mewa ziyada khane se guraiz karna chahiye ya doctor ke mashwaray se hi istemaal karen.

Kishmish iron se bharpoor mewa hai, jo khoon ki kami daur karne ke liye ahem tareen juz hai, kishmish ko aasani se daliya, dahi ya kisi bhi meethi cheez mein shaamil kar kay khaya ja sakta hai balkay waisay khana bhi mun ka zayega hi behtar karta hai. Taham diabetes ke shikaar afraad koyh mewa ziyada khane se guraiz karna chahiye ya doctor ke mashwaray se hi istemaal karen.

8 Khushk Khobani

Khoon ki kami se bachanay ke liye aik aur behtareen mewa khushk khobani hai jis mein iron aur vitamin c ke sath sath fiber bhi mojood hota hai jo ke qabz se bachanay mein madadgaar juz hai.

9 Palaak

Palaak iron se bharpoor sabzi hai aur usay khana ghizai ajza ko bohat taizi se jism mein honay mein madad deta hai.

10 Shehtoot

Agar aap ne kabhi usay nahi khaya to jaan len ke yeh iron se bharpoor phal hai jis mein proteins ki miqdaar bhi kaafi ziyada hoti hai jo ke hemoglobin ki satah badhaane mein madad deti hai.

11 Channay

Nashtay mein mazedar to lagtay hi hain, is ke sath yeh protein aur iron se bharpoor bhi hotay hain jo ke hemoglobin ke liye behtareen hai.

12 Dalain

Dalain bhi iron se bharpoor hoti hain jabkay in mein mojood fiber jism mein sahet ke liye nuqsaan da cholesterol level ki satah mein bhi kami laakar dil ko tahaffuz deta hai.

Leave a Reply

Your email address will not be published. Required fields are marked *