heart attack ki wajohat

Heart Attack ki Wajohat in Urdu

Dil ke doray ka sabab ban’nay walay kuch anasir har aik ko maloom hotay hain yani aik aam fard ko bhi andaza hai ke Motapa, Diabetes aur Blood Pressure is jaan lewa doray ka khatrah barha deta hai.

Isi tarah tambaku noshi aur sust tarz zindagi bhi barray anasir mein se aik hain magar bohat kam afraad in chand ghair mamooli wajohaat se waaqif hotay hain jo aap ke dil ke liye khatrah kayi gina barha dete hain.

To apne tahaffuz aur maloomat mein izafay ke liye in heran kin wajohaat ko janna zurori hai jo kisi bhi mauqa par zindagi bachanay ke kaam askati hain.

Neend ki kami

Agar neend ki kami ko mamool bnalya jaye to thakawat ke sath chirchiray pan ka saamna hota hai magar yeh dil ke doray ka khatrah bhi berhata hai. Aik tahaqeeq ke mutabiq jo log chay ghantay se kam sonay ke aadi hotay hain, in mein Heart Attack ka khatrah deegar afraad ke muqablay mein dugna ziyada hota hai, is ki wajah yeh hoti hai ke neend ki kami blood pressure mein izafah karti hai jo ke dil ke liye achcha nahi hota.

Adhay sir ka dard

Jin logon ko aksar sir ke is dard ka saamna hota hai in mein zindagi mein kisi waqt dil ke doray ka khatrah deegar afraad ke muqablay mein ziyada hota hai. Khaas tor par aisa dard jis mein ajeeb aawazian sunai den ya kuch ajeeb sa mehsoos ho, yeh dil ke masail ki janib ishara karta hai.

Hawai aloodgi

Heart Attack is waqt bohat aam ho jatay hain jab fazai aloodgi ki sharah bohat ziyada ho, jo log aaloda huwa mein saans lainay par majaboor hotay hain in mein sharianon mein khoon jamnay ya lotharay ban’nay aur amraaz qalb ka imkaan ziyada hota hai, isi tarah traffic jaam mein phansay rehna bhi khatarnaak ho sakta hai kyunkay gariyon ke dhuwen ke sath gussa ya zehni jhunjlahat Heart Attack ka baais ban sakti hai.

Manfi ya musbat jazbaat ka ghalba

Gussa, dukh aur tanao dil ke masail ka baais bantay hain yeh to sab ko maloom hai magar khushi ke lamhaat bhi kabhi kabhar Heart Attack ka baais ban satke hain, jaise kisi shadi ya aulaad ke bachon ki paidaiesh se honay wali khushi bhi jaan lewa hosakti hai.

Sakht jismani mehnat

Waisay to jismani werzish taweel al-mayaad bunyadon par dil ko tahaffuz deti hai magar bohat ziyada werzish karna khatarnaak saabit ho sakta hai, lag bhag chay fisad Heart Attack shadeed jismani mehnat ke nateejay mein samnay atay hain, khaas tor par ghusse ya pareshani ki soorat mein bohat ziyada jismani sar garmion se guraiz kya jana chahiye.

Ziyada khana

Aik Amrici tahaqeeq ke mutabiq amraaz qalb ke shikaar afraad mein ziyada khane ke nateejay mein aglay do ghantay tak dil ke doray ka khatrah chaar gina ziyada hota hai.

Bohat ziyada miqdaar mein khoraak jism mein mutadid aisay anasir ko harkat mein le aati hai jo dil ke doray ka baais ban satke hain, misaal ke tor par khoraak ka istemaal dil ki dharkan aur blood pressure ko barha deta hai jabkay khane mein shaamil fatty acids douran khoon mein shaamil ho jatay hain ya insoline ki sharah barha dete hain jo dil ki sharianon ko sukairh dete hain aur Heart Attack ka khatrah barh jata hai.

Asthma

Agar aap ko pehphron ka yeh marz la-haq hai to Heart Attack ka khatrah bhi 70 fisad tak barh chuka hai, agar to aap usay in healer se control rakhtay hain to bhi yeh khatrah aam mamool se ziyada hota hai, jis ki wajah yeh hai ke asthma ke baais aksar afraad seenay ki ghutan ko nazar andaaz kardete hain jo ke Heart Attack ki aik ibtidayi alamat bhi hai.

Khail dekhte hue jazbati hona

Jee haan waqai khail ko dekhte hue bhi Heart Attack ho sakta hai, jis ki wajah apni team ke sath honay wali wabastagi hai aur agar team ki karkardagi kharab ho to is ka dhachka sab se ziyada dil ko hi bardasht karna parta hai.

Alchohal o manshiat ka istemaal

Dil ke doray ka khatrah manshiat ya alchohal ke istemaal se bhi barh jata hai. American heart association ne tasleem kya hai ke bohat ziyada alchohal blood pressure ka level barha deti hai jabkay is ke nateejay mein log khana bhi bohat ziyada khatay hain, yeh anasir amraaz qalb aur achanak harkat qalb band honay ke nateejay mein mout ki wajah ban satke hain.

Kaafi

Kaafi blood pressure ko kuch waqt ke liye oopar le jati hai aur yeh dil ke doray ko harkat mein la sakta hai, khaas tor par agar aap is mashroob ko peenay ke aadi na hon jaise Pakistan mein log usay itna pasand nahi karte.

American heart association ke mutabiq kaafi mein mojood caffeine ki ziyada miqdaar ka istemaal amraaz qalb ka khatrah brhhaskta hai taham aitdaal mein reh kar jaise rozana aik ya 2 cup kaafi peena nuqsan nahi pohanchata.

Nazla zukam

Jab jismani difai nizaam nazlay ya zukam ka muqaabla kar raha hota hai to is se honay wala waram dil aur sharianon ko nuqsaan pouncha sakta hai, aik tahaqeeq ke mutabiq saans ki naali ke infection dil ke doray ka khatrah dugna barha dete hain magar yeh khatrah is waqt kam hojata hai jab yeh infection qaboo mein aajay.

Sard mausam

Sard mausam sharianon ko sukarnay par majaboor kar deta hai aur dil tak khoon pohanchna mushkil hojata hai, is se hatt kar bhi is mausam mein dil ko jism garam rakhnay ke liye ziyada mehnat karna padtee hai.

Bohat ziyada gham

Apne kisi pyare ki mout par ghumzdaa afraad mein dil ke doray ka khatrah ikees gina tak barh jata hai. America ke hovered medical school ki tahaqeeq mein bataya gaya tha ke kisi pyare ki mout ke baad tanao, neend ki kami aur adwiyaat lena bhool jana ghumzdaa afraad ke liye bhi khatrah barha deta hai.

Tahaqeeq mein bataya gaya tha ke kisi pyare ki mout ke pehlay roz hi ghumzdaa afraad ko dil ke doray ka khatrah ikees gina zayed hota hai jabkay pehlay haftay ke douran yeh khatrah chay gina hota hai.

Leave a Reply

Your email address will not be published. Required fields are marked *