Hamla khawateen ke liye anday khana kyun zaroori hai

Hamla khawateen ke liye anday khana kyun zaroori hai

Anda (egg) ghizaiyat ke lehaaz se haamla (pregnant) khawateen ka behtareen dost hota hai. Mahireen ghzayyat kehte hain ke haamla maaon ki fehrist ghzaon mein ab bhi anda sehar-fehrist hai jisay kisi tarah bhi nazar andaz nahi kiya ja sakta.

Anday mein iodine, folaad, Vitamin D, B 12, folate aur deegar ahem ghizai ajza mojood hotay hain jo zacha aur bacha dono ki ghizai zaroriat poori karte hain. Maslan doranِ hamal Vitamin B 12 ki 100 fisad zaroriat sirf aik anday se poori ho sakti hain.

England ke mahireen ne haamla khawateen aur murghi ke anday khanay ke 18 mukhtalif survey  aur tehqeeqi reports ka dobarah jaiza liya jis ki tafseel Network Health Digest mein shaya hui hai.

Report mein kaha gaya hai ke umeed se honay wali khawateen agar anday ka baqaida istemaal karen to maa ban’nay ka zehni dabao, kam wazni bachay ki wiladat aur qabal az-waqat paidaiesh jaisay masail mein bohat kami hoti hai.

Mahireen ne kaha hai ke anda protein se bharpoor to hota hai. Is mein mamooli miqdaar mein taweel zanjiri fatty acids paye jatay hain jo bachay ka wazan berhate hain aur is ki paidaiesh ka dorania durust rakhtay hain. Phir andon mein mojood folaad Maa aur Bache mein Iron ki kami poora karta hai jis ki doran e Hamal (pregnancy) ahmiyat barh jati hai.

Anday mein Bitamin B 12 khoon ke khaliyaat aur aasabi khaliyaat ko sayhat mand haalat mein rakhta hai jis se khud bachay ki haalat behtar hoti hai. Khawateen mein folate ki numaya kami hoti hai aur anda is kami ko poora karta hai.

Aik anda y mein 75 calories hoti hain lekin is mein saat gram behtareen mayaari protein, 5 Gram charbi, 1 se 6 gram sairshoda chiknai, folaad, aur madniyaat jaisay qeemti ajza bhi hotay hain jo bimarion se larnay mein madad dete hain.

100 gram (3.5 oz) anday main darja zail Nutritional value payi jati hain.

  • Energy 647 kJ (155 kcal)
  • Protein 12.6 g
  • Carbohydrates 1.12 g
  • Fat 10.6 g
  • Tryptophan 0.153 g
  • Threonine 0.604 g
  • Isoleucine 0.686 g
  • Leucine 1.075 g
  • Lysine 0.904 g
  • Methionine 0.392 g
  • Histidine 0.298 g
  • Alanine 0.700 g
  • Glutamic acid 1.644 g
  • Cystine 0.292 g
  • Phenylalanine 0.668 g
  • Tyrosine 0.513 g
  • Glycine 0.423 g
  • Proline 0.501 g
  • Valine 0.767 g
  • Arginine 0.755 g
  • Aspartic acid 1.264 g
  • Serine 0.936 g

Eating Eggs During Pregnancy ke hawale se ye tehreer ap ko kaisi lagi, Agar aap ko yeh tehreer achi lagi hai to aap ka haq banta hai ke is post ko social media par apne doston ke sath share karen, takay un ki bhi behtar tor par rehnumai ho sake.

Leave a Reply

Your email address will not be published. Required fields are marked *