Biwi se humbistari karne ka islami tarika

Biwi se humbistari karne ka islami tarika

Miyan biwi ke kuch aisay masail hain jin ka janna zurori hai. ye wo masail hain jo hum nahi jante, kyunke deeni katabain hum parhte nahi aur aalam se poochne mein sharam aati hai magar ajeeb baat hai masla poochnay mein to hamein sharam aati hai magar wohi ghairat is waqt mar jati hai jab Dulha apne Doston ko aur Dulhan apni Saheliyon ko poori raat ki kahani sunate hain.

Qayamat ke din sab se badter mard o aurat wo hun ge jo apni raaz ki baatein apne doston ko sunaate hain.

Biwi se humbistari karne ka islamic tarika in urdu

Hazrat Imam Ghazali (R.A) Farmatay hain ke jamaa yani sohbat karna jannat ki lzton mein se aik lazzat hai.

Hazrat Junaid Bughdadi (R.A) farmatay hain ki ensaan ko jamaa ki aisi hi zaroorat hai jaise ghiza ki kyunkay yeh biwi ki taharat ka sabab hai

Hadees pak mein aata hai ki jis tarah haraam sohbat par gunah hai isi tarah jaaiz sohbat par naikian hain

Umm-ul-Momineen Syeda Aisha Siddiqa (RA) se marwi hai ki Hazoor Nabi Kareem (SAW) irshad farmatay hain ki jab aik mard apni biwi ka haath pokarta hai to uskay nama aamaal mein aik neki likh di jati hai aur jab uskay gilaay mein haath dalta hai to das naikian likh di jati hain aur jab is se sohbat karta hai to duniya aur mafiya se behtar ho jata hai aur jab ghusal janabat karta hai to pani jis jis baal par guzar taa hai to har baal ke badlay aik neki likhi jati hai aur aik gunah kam hota jata hai aur aik darja buland hota jata hai

Hazrat Abdul Allah ibn Masood (RA) se 1 shakhs ny arz kya ki mein ny jis larki se shadi ki hai mujhe lagta hai ki wo mujhe pasand nahi kere gi to aap farmatay hain ki mohabbat kkhuda ki taraf se hoti hai aur nafrat shetan ki taraf se to aisa karo ki jab tum pehli baar uskay paas jao to doono wudu karo aur do rak-at namaz nafil shukrana is tarah parho ki tum imam ho aur wo tumhari aqtda kere to Insha Allah Taala tum usay mohabbat aur wafa karne wali pao ge

Khaas jamaa ke waqt baat karna makrooh hai is se bache ke totlay honay ka khatrah hai isi tarah is waqt aurat ki sharam gaah ki taraf nazar karne se bhi bachna chahiye ki bache ka andha honay ka imkaan hai yun hi bilkul burhenapa bhi sohbat na karen warna bache ke be haya honay ka andesha hai ( fatawa rizviya jald 9 : s : 46 )

Hambistari ke waqt Bismillah shareef parhna snant hai (Tarjama. Aye hamaray Allah hume shetan se aur shetan ko hum se bacha ) magar yaad rahay ki sattar kholnay se pehlay parhay aur sab se behtar hai ki jab kamray mein daakhil ho tab hi Bismillah shareef parh kar dayan qadam andar daakhil karen agar hamesha aisa karta rahay ga to shetan kamray se bahar hi thr jaye ga warna wo bhi apke sath shareek hoga.

Jamaa ke waqt kisi aur ka tasawwur karna bhi zina hai aur sakht gunah aur jamaa ke liye koi waqt muqarrar nahi haan bas itna khayaal rahay ki namaz faut na honay paye kyunkay biwi se bhi namaz roza aitekaf haiz nfas aur namaz ke aisay waqt mein sohbat karna ki namaz ka waqt nikal jaye haraam hai.

Mard ka apni aurat ki chhaati ko mun lagana jaaiz hai magar is tarah ke doodh halaq se neechay na utre yeh haraam hai lekin aisa ho bhi gaya to tauba kere magar is se nikah par koi farq nahi aata.

Mard o aurat ko aik dosray ka satar dekhna chouna jaaiz hai magar hukum yahi hai ki maqam mkhsos ki taraf na dekha jaye ke is se nasiyan ka marz hota hai aur nigah bhi kamzor ho jati hai.

Faraghat ke baad mard o aurat ko allag allag kapray se apna satar saaf karna chahiye kyunki dono ka aik hi kapra istemaal karna nafrat aur judai ka sabab hai.

Ethlaam honay ke baad ya doosri martaba sohbat karna chahta hai tab bhi satar dhokr wudu kar lena behtar hai warna honay walay bache ko bemari ka khatrah hai

Ziyada boorhi aurat se ya kharray hokar sohbat karne se jism bohat kamzor ho jata hai isi tarah bharay pait par sohbat karna bhi sakht nuqsaan da hai

Jamaa ke foran baad pani peena ya nahana sahet ke liye nuqsaan da hai haan satar dho lena faida mand hai

Aurat se haiz ki haalat mein sohbat karna jaaiz nahi agar chay shadi ki pehli raat hi kyun na ho aur agar usko jaaiz janay jab to kafir ho jaye ga yun hi uskay peechay ke maqam mein sohbat karna bhi sakht haraam hai.

Magar haiz ki haalat mein wo achhot bhi nahi ho jati jaissa ki bohat jagah rivaaj hai ke khana bhi nahi bananay dete yeh jahalat hai balkay uskay sath sonay mein bhi harj nahi jab ke shehwat ka khatrah na ho warna allag soye.

Jo bacha samajh daar ho is ke samnay sohbat karna makrooh hai.

Aurat se judda rehne ki muddat 4 maheena hai is se ziyada daur rehna mana hai.

Agar aap ko yeh tehreer achi lagi hai to aap ka haq banta hai ke is post ko social media par apne doston ke sath share karen, takay un ki bhi behtar tor par rehnumai ho sake.

Leave a Reply

Your email address will not be published. Required fields are marked *