bachon ki bhook barhane ka totka

Bachon Ki Bhook Barhane Ke Desi Tarike

Bhook hamaray jism ki taraf se bajne wali ghanti hai jo batati hai ke ab hamaray jism ko tawanai ki zaroorat hai. Duniya ke har muamlay mein aitdaal zurori hai bilkul isi tarah agar hum bhook ki misaal len to is mein bhi aitdaal zurori hai.

Bhook ziyada ya kam lagna dono hi tashweesh naak hain. Aur is ki wajohaat par ghhor karna zurori hai. Khane ke waqt bhook na lagnay ka matlab yeh hai ke jism ke androoni nizaam mein kahin kuch garbar zaroor hai.

Bachon ko aksar bhook ko le kar masail paish atay rehtay hain. Ziyada qabz rehne, dawaon ke ziyada istemaal aur bohat mirch msalhon ki cheezain khane se bhi bachon ki bhook kam ho jati hai.

Is tehreer main hum bat karen gay ke bachoon ko bhook kyun nahi lagti, bhook na lagne ka ilaj kaise mumkin hai, bhook badhane ke gharelu desi nuskhe kon kon se hain, bachon ki bhook barhane ka totka aur bhook ki kami ka ilaj in urdu.

Bachon ko bhook na lagne ka ilaj in Urdu

Bhook na lagnay ki wajohaat

Bochon ko Bhook na lagne ya bhook main kami ki bohat se wajohat hoti hain, jin main se chand aik mandarja zail hain.

1 Meethay mashrobat ka istemaal

Aam tor par bache khanay se ziyada peenay ki cheeze pasand karte hain, university of toronto mein honay wali tahaqeeq ke mutabiq khane se aadha ghantay pehlay bachon ko meethay mashroob diye jayen to woh kam khana (aadhi khoraak) khatay hain.

2 Khana poora khane ka dabao

2006 ki aik tehqeeq ke matabiq jin bachon par yeh dabao dala jata hai ke unhein plate mein diya gaya khana aik waqt mein poora khatam karna hai woh bachay dabao ke baais kam khana khatay hain. Is liye bachon ko khana khilate waqat un par dabao nahi dalna chaiye aur na hi zabardasti se kaam lena chaiye.

3 Nash-o-numa ki sust raftaar

Bachon ki nash-o-numa ki raftaar bhi bhook par asr andaaz hoti hai. Jab bache aahista aahista nash-o-numa haasil karte hain to un ki bhook bhi kam hoti hai. Aam tor par bachay paidaiesh ke 1 saal tak jaldi barhatay hain aur phir 8 saal se 15 saal tak sust raftari se. Iss douran bachon ki bhook mein kami aa jati hai.

4 Bemari

Baaz auqaat bache mukhtalif bemariyan jaise (khoon ki kami, thyroid, musalsal nazla zukam) ki wajah se bhi kam khana khatay hain. Aisay mein doctor ke mashwaray se bhook badhaane ki duwaein li ja sakti hain.

5 Khane ka waqt muqarrar na hona

Baaz gharon mein khana khane ka waqt muqarrar nahi hota un gharon mein bache apna pait thelon aur bazaar ke khanay kha kar bhartay hain jis se un ki tavajja khane par nahi rehti.

Is ke ilawa musalsal depression, gharelo nachakiyan, gurbat aur jazbati adam tawazun, sonay, jaagne ka waqt muqarrar na hona, pani kam peena, werzish na karna aur masale daar taley hue snakes se pait bherna jaisi aadaat bhi bhook kam kar deti hain.

Bhook badhaane wali ghazain

1 Aanar

Meethay aanar (انار) ka ras 2 chitank, tursh aanar ka ras 2 chitank, saib ka ras aik pao, lemoo ka ras aik pao, sabz podina ka ras aik pao, misri 2 kilogram.

In sab cheezon ko mila kar sharbat tayyar kar len, teen teen tola subah shaam istemaal karen. Yeh sharbat maida aur jigar ki kharabion ko daur kar ke bhook lagaata hai aur haiza ke dinon mein bhi mufeed hai.

2 Amla

Amla (آملہ) khalis hindustani phal hai. Yeh ulti ko rokta hai aur maiday ki garmi ko mitata hai. Amla Vitamin C se bharpoor hota hai. Yeh jism mein madniyaat ko jazb karne mein madad deta hai.

Amla ke arq mein lemoo ka arq aur shehad ko aik cup pani mein hal kar ke nehar mun peenay se kuch hafton mein bhook lagna shuru ho jati hai. Aamle ka achaar bhi hazamay ke liye mufeed hota hai

3 Injeer

Injeer (انجیر) bhook badhaane ka mo-assar gharelo nuskha hai yeh na sirf bhook ko mutharrak karta hai balkay kamzor bachon ka wazan badhaane ke liye bhi mufeed hai.

4 Adrak

Adrak (ادرک) baadi khaano ko hazem karanay ke sath sath qowat mudafat bhi bherne ka kaam karti hai. Adrak ko bareek pees kar khano mein dala jaye yaa nehar mun chaba liya jaye to bhook mein izafah hota hai.

Aik chamach adrak ke ras mein aik lemoo ka ras aur zara sa namak mila kar ghool kar peenay se bhook lagti hai.

5 Ajwain

Agar ajwain (اجوائن) neem garam pani ke sath istemaal karen to yeh haazma bhi durust karti hai aur qudrati tor par bhook ka ehsas bhi barhati hai.

6 Podina

Do chamach dahi mein thora sa podina (پودینہ) aur kaali mirch mila kar har khane ke sath istemaal karna chahiye.

7 Degar desi totke

Aik tahaqeeq ke mutabiq khana khane se pehlay taiz raftari se tehalne se bhook achi lagti hai aur khana lziz lagta hai.

Khana khane se kuch der pehlay agar ghusal liya jaye ya pair dho liye jayen to bhook khil kar lagti hai.

Phal jaise papeeta (پپیتا), aaru (آڑو) aur jaman (جامن), amrood (امرود) aur bair (بیر) rozana khane se bhook barh jati hai.

Bachon ko bhook kyun nahi lagti, bachon ki bhook badhane ke gharelu nuskhe in urdu, bhook na lagne ka ilaj in urdu, bachon main bhook ki kami ka desi ilaj in urdu, bacho ki bhukh badhane ki gharelu azmoda totke۔

Note: Ye tehreer mehez maloomat aama ke liye shaya ki ja rahi hai. yaad rakhen har totka har insan ke liye nahi hota. Iss liye apne tain koi nuskha mat azmayen, balkay apne mualij (Doctor, Tabeeb) se mahswara kar ke is ki hadaayat ke mutabiq amal karen, shukriya.

Agar aap ko yeh tehreer achi lagi hai to aap ka haq banta hai ke is post ko social media par apne doston ke sath share karen, takay un ki bhi behtar tor par rehnumai ho sake.

Leave a Reply

Your email address will not be published. Required fields are marked *